சீர்காழி அருகே ரெயிலில் அடிபட்டு புதுமாப்பிள்ளை பலி

சீர்காழி, பிப். 21-

 

நாகை மாவட்டம் சீர்காழி அருகே உள்ள வைத்தீஸ்வரன் கோவில் போலீஸ் சரகம் குமாரநத்தம் மேல தெருவை சேர்ந்தவர் கணபதி. அவரது மகன் கருணாகரன். (வயது 27). இவருக்கும் ரேவதி என்ற பெண்ணுக்கும் கடந்த 8 மாதத்திற்கு முன்புதான் திருமணம் நடந்தது.

 

இன்று காலை கருணாகரன் மருவத்தூர் ரெயில்வே தண்டவாளம் பகுதியில் நடந்து சென்றார். அப்போது அந்த வழியாக வந்த ரெயில் கருணாகரன் மீது மோதியது.இதில் அவர் உடல் துண்டாகி பலியானார்.

 

இதுகுறித்து வைத்தீஸ்வரன் கோவில் போலீசார் வழக்கு பதிவு செய்து உள்ளனர். கருணாகரன் ரெயில் முன்பு பாய்ந்து தற்கொலை செய்தாரா? அதற்கான காரணம் என்ன? என்பது குறித்து போலீசார் விசாரணை நடத்தி வருகிறார்கள்.